Mannauðsstefna

Hjá Klettabæ starfar öflugur og fjölbreyttur hópur starfsfólks. Unnið er sameiginlega eftir þeirri stefnu að skapa áhugaverðan og umhyggjusaman vinnustað, þar sem lögð er áhersla á ánægju starfsfólks og vellíðan. Ekki síst umhverfi þar sem starfsfólk og þjónustunotendur finni til öryggis. Til að ná settu markmiði settum við okkur metnaðarfulla mannauðsstefnu sem byggir á gildunum okkar fimm, ástríða, heilindi, umhyggja, gleði og vandvirkni.

Tilgangur og markmið

Starfsfólk Klettabæjar er mikilvægasta auðlind fyrirtækisins og spilar lykilþátt í að ná góðum árangri. Markmið mannauðsstefnu Klettabæjar er að skapa eftirsóknarverðan vinnustað þar sem áhersla er lögð á umhyggju, gleði og jákvæða líðan sem skilar sér í ánægju starfsfólks. Þá er lagt upp með að hæfni og þekking starfsfólks nýtist í starfi og að allir hafi tækifæri til að þroskast bæði persónulega og fagleglega.

Megin áherslur

Mannauðsstefna Klettabæjar leggur áherslu á að móta góðan og traustan vinnustað og er það sameiginleg ábyrgð allra starfsmanna að fylgja henni eftir í störfum. Þá er lögð áhersla á að byggja upp öfluga liðsheild og samskipti sem einkennast af trausti, heilindum og gagnkvæmri virðingu. ​

* Að leitast ávallt við að ráða hæfasta einstaklinginn í starfið þar sem horft er til hæfni, reynslu, menntunar og áhuga á starfsumhverfi Klettabæjar​.
* Að starfsfólk fái öfluga fræðslu og þjálfun, viðhaldi og bæti við þekkingu sína og miðli henni áfram til samstarfsfólks​.
* Að starfsumhverfið styðji við andlega og líkamlega vellíðan​.
* Áhersla á lærdómsmenningu þar sem rými til að læra og efla sig í starfi er til staðar og uppbyggileg og lausnamiðuð samskipti eru ríkjandi.
* Að jafnréttissjónarmið eru ávallt höfð að leiðarljósi.