Búsetuúrræði til langs- og skamms tíma
Klettabær býður upp á einstaklingsbundin búsetuúrræði þar sem unnið er eftir hugmyndafræðinni um fjöláfalla- og tengslamiðaðan stuðning. Þá er m.a. notað atferlismótandi kerfi sem er sérsniðið að einstaklingnum og byggt upp dagskipulag með áherslu á rútínu, virkni og félagsfærniþjálfun.
Markmið og nálgun
Lögð er áhersla á að efla félagsfærni, sjálfstjórn og styðja þjónustunotanda í því að nýta hæfni sína og taka þátt í daglegu lífi með leiðsögn frá starfsfólki Klettabæjar. Markmiðið er að veita einstaklingum þjálfun í atferli daglegs lífs, auka sjálfstæði þeirra og gefa þeim tækifæri á bættum lífsgæðum og auknum tækifærum.
Teymisvinna
Fagteymi Klettabæjar kemur að öllum málum og sér um að veita stjórnendum og starfsmönnum reglulega handleiðslu og setja upp áætlun í samræmi við þarfir þjónustunotanda. Mikilvægt er að hafa teymi utan um mál hvers þjónustunotanda þar sem allir lykilaðilar í málefnum hans koma reglulega saman og fara yfir stöðuna. Þannig tryggjum við að þjónustan sé heildræn og fagleg.
Umhverfið
Umhverfið er heimilislegt og er lagt upp með að þjónustunotandi upplifi ávallt öryggi og hlýju.
Ætluð börnum og ungmennum með margþættar stuðningsþarfir
Langar þig að vita meira um búsetuúrræðin okkar?
Sendu okkur tölvupóst og við svörum þér eins fljótt og við getum.