Starfsbraut F-NOS

Starfsbraut F-NOS er sérhæft einstaklingsmiðað nám að loknum grunnskóla ætlað nemendum með margþættar stuðningsþarfir.

Hornsteinar í okkar starfi

Félagsfærni

Lýðræði, mannréttindi og jafnrétti.

Heilsuvitund

Heilbrigði, velferð, sjálfbærni.

Starfsþjálfun

Vinnufærni og innsýn í hvar áhugasvið og styrkleikar liggja.

Sköpun

Forvitni, athafnaþrá, efling ímyndunarafls og gagnrýninnar hugsunar.

Hugmyndafræði og markmið

Í F-NOS er unnið eftir hugmyndafræðinni um fjöláfalla- og tengslamiðaðan stuðning. Lögð er áhersla á að nemendur upplifi öryggi, skilning og hlýju þar sem nálgun og uppsetning kennslu og kennsluaðstæðna er sniðin að þörfum hvers nemanda. Það að veita ungmenni nægjanlegt tengslaöryggi í skólaumhverfi sínu er forsenda til þroska og getu til náms. Mikilvægt er að starfsfólk skilji hegðun ungmenna og hafi næga þekkingu og færni til að bregðast rétt við.

Einstaklingsnámskrá er unnin í samráði við hvern nemanda í upphafi hverrar annar. Við skipulag námsins er tekið mið af óskum, áhugasviðum, styrkleikum og möguleikum hvers nemanda til náms.

Markmið náms og kennslu

Að stuðla að alhliða þroska nemandans.

Gera sér grein fyrir eigin styrk- og veikleikum.

Taka upplýstar ákvarðanir er varða líf sitt.

Lifa eins sjálfstæðu lífi og mögulegt er.

Skilja mikilvægi þess að neyta hollrar fæðu og stunda reglulega hreyfingu.

Gera sér grein fyrir eigin fjárhag og meðferð fjármuna.

Einstaklingsmiðuð námstækifæri.

Efla sjálfstraust, sjálfstæði og samskiptahæfni til daglegra athafna.

Tækifæri til að tengja saman nám og starf í Starfssetri Klettabæjar og/eða á vinnustað og öðlast vinnufærni eftir því sem kostur er.

Veita nemendum reynslu, þekkingu og færni sem nýtist þeim í daglegu lífi.

Auka möguleika til áframhaldandi náms við hæfi og/eða þátttöku á vinnumarkaði á sínum forsendum.

Viltu kynna þér málið?

Sendu okkur tölvupóst og við svörum þér eins fljótt og við getum.

Hafa samband